पुणे : राजस्थान रॉयल्सने आपल्या पहिल्याच सामन्यात या आयपीएलमधील सर्वात मोठा विजय साकारला. एकिकडे RRR हा सिनेमा धुमाकूळ घालत असतानाच आयपीएलमधील () या संघाने पहिल्याच सामन्यात हैदराबादचा धुव्वा उडवला. राजस्थानने प्रथम फलंदाजी करताना २१० धावा केल्या होत्या. या आव्हानाचा पाठलाग करताना हैदराबादला सुरुवातीपासूनच जोरदार धक्के बसले आणि त्यांना ६१ धावांनी मोठा पराभव स्विकारावा लागला. यंदाच्या आयपीएलधील हा सर्वात मोठा विजय आहे. राजस्थानच्या २११ धावांच्या आव्हानाचा पाठलाग करताना हैदराबादला दुसऱ्याच षटकात कर्णधार केन विल्यम्सनच्या रुपात मोठा धक्का बसला. या धक्क्यातून हैदराबादचा संघ सावरू शकला नाही आणि त्यांना पराभव स्विकारावा लागला. तत्पूर्वी, राजस्थानने यावेळी सावध सुरुवात केली. पण स्थिरस्थावर झाल्यावर मात्र त्यांनी फटकेबाजीवर भर दिला. राजस्थानच्या जोस बटलर आणि यशस्वी जैस्वाल यांनी यावेळी ५८ धावांची दमदार सलामी दिली. यशस्वी यावेळी २० धावांवर बाद झाला आणि राजस्थानला पहिला धक्का बसला. पण त्यानंतर कर्णधार संजू सॅमसन फलंदजाीला आला आणि राजस्थानच्या संघाने गिअर बदलल्याचेच पाहायला मिळाले. संजू फलंदाजीला आल्यावर राजस्थानच्या धावांचा वेग वाढायला सुरुवात झाली. पण त्यावेळी राजस्थानला जोस बटलरच्या रुपात दुसरा धक्का बसला. बटलरने यावेळी तीन चौकार आणि तीन षटकारांच्या जोरावर ३५ धावांची दमदार खेळी साकारली. बटलर बाद झाल्यावर देवदत्त पडीक्कल फलंदाजीला आला आणि त्याच्याबरोबर संजूने हैदराबादच्या गोलंदाजीचा चांगलाच समाचार घेतला. संजू आणि देवदत्त यांनी दमदार फलंदाजीचा नुमना पेश केला. या दोघांनी मिळून तिसऱ्या विकेटसाठी ८९ धावांची भागीदारी साकारली. पण पडीक्कल यावेळी बाद झाला आणि ही जोडी फुटली. पडीक्कलने यावेळी २९ चेंडूंत चार चौकार आणि दोन षटाकारांच्या जोरावर ४१ धावांची खेळी साकारली. पडीक्कल बाद झाल्यार संजूने आपली धडाकेबाज फटकेबाजी सुरुच ठेवली आणि २५ चेंडूंत षटकारासह अर्धशतक पूर्ण केले. पण अर्धशतक झळकावल्यावर संजी जास्त काळ खेळपट्टीवर तग धरू शकला नाही. संजूने यावेळी २७ चेंडूंत तीन चौकार आणि पाच षटकारांच्या जोरावर नाबाद ५५ धावांची वादळी खेळी साकारली. संजूला यावेळी अन्य फलंदाजांची चांगली साथ मिळाली. त्यामुळेच राजस्थानला या सामन्यात दोनशे धावांचा पल्ला गाठता आला.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/HGsdKDp
via IFTTT
