नवी दिल्ली : कलेला कसलीही बंधनं नसतात. त्यामुळेच आता भारतामधलं एक गाणं पाकिस्तानच्या खेळाडूला चांगलंच आवडलेलं पाहायला मिळत आहे. या गाण्याचा व्हिडीओ सध्या चांगलाच व्हायरल झाला आहे. आयसीसी महिला विश्वचषक २०२२ मध्ये पाकिस्तान क्रिकेट संघाने आतापर्यंत ४ सामने खेळले आहेत, पण त्यांना एकही विजय मिळवता आलेला नाही. असे असूनही त्याच्या ड्रेसिंग रूमचे वातावरण खूपच मस्त आहे. ड्रेसिंग रूमचे वातावरण कूल ठेवण्यात पाकिस्तानची युवा वेगवान गोलंदाज डायना बेगचाही मोठा हात आहे. ती तिच्या रॅपद्वारे सहकारी खेळाडूंचे मनोरंजन करत आहे. डायना बेगचा रॅपर अवतार सर्वांनाच माहित आहे. आता आंतरराष्ट्रीय क्रिकेट परिषदेने () इंस्टाग्रामवर एक व्हिडिओ शेअर केला आहे. या व्हिडिओमध्ये 'गली बॉय' या बॉलिवूड चित्रपटातील रणवीर सिंहचे गाणे गाताना दिसत आहे. 'कौन बोला, मुझे ना हो पायेगा, अपना टाइम आएगा, अपना टाइम आएगा' असे या गाण्याचे बोल आहेत. आयसीसीने शेअर केलेल्या या व्हिडिओला आतापर्यंत अडीच लाखांहून अधिक लाईक्स आणि हजारो कमेंट्स आल्या आहेत. क्रिकेटशिवाय डायना बेग पाकिस्तानच्या महिला फुटबॉल संघाचाही भाग राहिली आहे. डायना बेगला क्रिकेटशिवाय फुटबॉलवरही खूप प्रेम आहे. डायनाने एका मुलाखतीत सांगितले होते की, 'इस्लामाबादसाठी क्रिकेट खेळताना तिने फुटबॉलमध्येही नशीब आजमावले, पण जेव्हा तिने राष्ट्रीय फुटबॉल संघात स्थान मिळवले, तेव्हा तिचा स्वतःवर विश्वास बसत नव्हता. २०१४ मध्ये, सैफ (SAFF) साठी तिचा पाकिस्तान महिला फुटबॉल संघात समावेश करण्यात आला. दरम्यान, आयसीसी महिला विश्वचषक २०२२ मध्ये पाकिस्तानची कामगिरी निराशाजनक राहिली आहे. त्यांनी स्पर्धेतील आपल्या मोहिमेची सुरुवात भारताविरुद्धच्या सामन्याने केली होती. भारताने त्यांचा १०७ धावांनी दारूण पराभव केला होता. पुढच्या सामन्यात ऑस्ट्रेलियाने त्याचा ७ गडी राखून पराभव केला. दक्षिण आफ्रिकेविरुद्धचा सामनाही ते ६ धावांनी हरले. सोमवारी (१४ मार्च) बांगलादेशविरुद्धच्या सामन्यातही त्यांना ९ धावांनी निसटता पराभव पत्करावा लागला. त्यामुळे पाकिस्तानचा संघ सध्या गुणतालिकेत तळाशी पोहोचला आहे.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/sVpb5MY
via IFTTT
