पुणे : मुंबई इंडियन्सच्या संघाने आजच्या महत्वाच्या सामन्यात 'बेबी एबी' म्हणजेच डेवाल्ड ब्रेव्हिसला संघात कायम ठेवले आणि त्याने या संधीचे सोने केले. ब्रेव्हिडने या सामन्यात अर्धशतक साकारले आणि रोहित शर्मा व इशान किशनही त्याच्यापुढे फिके पडल्याचे पाहायला मिळाले. त्यामुळे मुंबईच्या संघातील हा डेवाल्ड ब्रेव्हिस आहे तरी कोण, याची चर्चा सुरु झाली. मुंबईच्या संघातील हा डेवाल्ड ब्रेव्हिस आहे तरी कोण, जाणून घ्या...डेवाल्ड ब्रेव्हिस हा दक्षिण आफ्रिकेचा युवा खेळाडू आहे आणि त्याची खेळण्याची शैली दक्षिण आफ्रिकेच्या माजी दिग्गज फलंदाज एबी डिव्हिलियर्ससारखी आहे. त्यामुळेच क्रिकेट विश्वात त्याला बेबी एबी असे म्हटले जाते. काही दिवसांपूर्वी झालेल्या १९-वर्षांखालील विश्वचषकात ब्रेव्हिसने नेत्रदीपक कामगिरी केली होती. या विश्वचषकात सलग चार सामन्यात त्याने ५० हून अधिक धावा केल्या होत्या. भारताविरुद्धच्या सामन्यात त्याने ६५ धावा केल्या होत्या. यानंतर युगांडाविरुद्ध त्याने १०४ धावांची शतकी खेळी केली. त्याने आयर्लंडविरुद्ध ९६, तर इंग्लंडविरुद्ध ९७ धावा केल्या होत्या. ब्रेव्हिस हा चांगला लेगस्पिनरही आहे. अंडर-19 विश्वचषकात त्याने सहा विकेट घेतल्या होत्या. त्यामुळे ब्रेव्हिस हा एक चांगला अष्टपैलू खेळाडू असल्याचे समोर आले होते. डेवाल्ड ब्रेव्हिसला आयपीएलमध्ये कोणत्या संघाकडून खेळायचे होते, पाहा...आयपीएल सुरु होण्यापूर्वी त्याने आपले मत व्यक्त केले होते. त्यावेळी ब्रेव्हिस म्हणाला होता की, “माझे सर्वात मोठे स्वप्न दक्षिण आफ्रिकेसाठी खेळणे आहे. तसेच मी आयपीएलचा मोठा चाहता आहे आणि मला आयपीएलमध्ये आरसीबीकडून खेळायला आवडेल. मला आरसीबी आवडते, कारण विराट कोहली आणि डिव्हिलियर्स या संघात आहेत. मी विराट आणि डिव्हिलियर्सचा खूप मोठा चाहता आहे.'' मुंबईच्या संघाने पाचव्या सामन्यात ब्रेव्हिसला संधी दिली आणि त्या या संधीचे सोने केल्याचे पाहायला मिळाले. कारण मुंबईची सुरुवात चांगली झाली नव्हती. रोहित शर्मा तिसऱ्याच षटकात बाद झाला होता. त्यानंतर इशान किशनही बाद झाला. पण त्यानंतर ब्रेव्हिसने राहुल चहरच्या पाच चेंडूंवर २८ धावांची लूट ेकली आणि तुफानी फटकेबाजीची नमुना पेश केला.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/0U65Kvc
via IFTTT
