पुणे : चेन्नईविरुद्धच्या सामन्यात आरसीबीच्या संघाने जोरदार सुरुवात केली होती. पण त्यानंतर सलामीला आलेल्या विराट कोहलीकडून मोठी चुक घडली आणि त्याचा फटका आरसीबीला बसल्याचे पाहायला मिळाले. विराट कोहलीकडून कोणती मोठी चुक घडली, पाहा...आरसीबीच्या संघाने चेन्नईविरुद्धच्या सामन्यात दमदार सुरुवात केली. फॅफ ड्यु प्लेसिस यावेळी धमाकेदार फटकेबाजी करत होता. पण त्याला मोठी खेळी साकारता आली नाही. फॅफने २२ चेंडूंत ३८ धावा केल्या. फॅफ बाद झाल्यावर धडाकेबाज फलंदाज ग्लेन मॅक्सवेल फलंदाजीला आला. त्यामुळे आता आरसीबीच्या धावांचा ओघ कमी वेळात वाढेल, असे वाटत होते. मॅक्सवेलही स्थिरस्थावर होण्याचा प्रयत्न करत होता आणि एक मोठी खेळी साकारण्याचा प्रयत्नात तो दिसत होता. पण यावेळी कोहलीकडून मोठी चुक घडल्याचे पाहायला मिळाले आणि त्याचा फटका आरसीबीच्या संघाला बसला. ९व्या षटकाच्या अखेरच्या चेंडूवर विराट कोहली हा चोरटी धाव घेण्याच्या प्रयत्नामध्ये होता. पण त्यासाठी आपण चेंडू नेमका कुठे मारला आहे आणि धाव घेता येणार की नाही, हे गणित त्याला जुळवता आले नाही. कोहलीने यावेळी क्षेत्ररक्षकाच्या जवळ चेंडू ढकलला आणि धाव घेण्यासाठी धावत सुटला. मॅक्सवेलने यावेळी कोहलीचे एकले आणि धाव होईल की नाही हे न पाहता तो धावत सुटला. कोहलीने मारलेला चेंडू हा रॉबिन उथप्पाच्या जवळ गेला होता. उथप्पाने तो चेंडू उचलला आणि थेट महेंद्रसिंग धोनीकडे फेकला. धोनीने यावेळी क्षणाचाही विलंब न लावता थेट यष्ट्या उडवल्या आणि मॅक्सवेलला धावचीत केले. कोहलीने यावेळी योग्य अंदाज घेतला नाही आणि त्यामुळेच मॅक्सवेल धावचीत झाल्याचे पाहायला मिळाले. मॅक्सवेल आऊट झाला आणि आरसीबीची धावगती मंदावली. मॅक्सवेल आऊट झाल्यावर काही वेळातच कोहलीही बाद झाला आणि आरसीबीला लगेचच दुसरा धक्का बसला. चेन्नईचा अष्टपैलू खेळाडू मोइन अलीने यावेळी कोहलीला त्रिफळाचीत केले आणि आरसीबीला अजून एक मोठा धक्का दिला. कोहलीला यावेळी ३३ चेंडूंत ३० धावा करता आल्या.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/7KgwTDr
via IFTTT
