: नवी दिल्ली : राजस्थान रॉयल्सने आयपीएलमध्ये आतापर्यंत एकदाच विजेतेपद पटकावले आहे आणि तेही पहिल्या हंगामात. यानंतर रॉयल्सला अजूनही विजेतेपदाची नोंद करण्याची संधी मिळालेली नाही, पण यंदा या संघात विजेतेपद जिंकण्याची पूर्ण क्षमता असल्याचा विश्वास वेस्ट इंडिजचा तुफानी फलंदाज शिमरॉन हेटमायरने व्यक्त केला आहे. हेटमायर म्हणाला की, 'मी रॉयल्सकडून खेळण्यासाठी खूप उत्सुक आहे. माझा मित्र एविन लुईसकडून फ्रँचायझीबद्दल अनेक चांगल्या गोष्टी ऐकल्या आहेत. आणि संघाचा भाग झाल्यानंतर स्पर्धेत खेळण्याचा आनंद घेण्यासाठी मी आणखी प्रतीक्षा करू शकत नाही.' तो पुढे म्हणाला की, 'आरसीबीसोबत आयपीएलमधील माझा पहिला हंगाम एक तरुण खेळाडू म्हणून आव्हानात्मक होते आणि संघात एकमेव कॅरेबियन असल्याने फ्रँचायझी क्रिकेटमध्ये सुरुवात करणे माझ्यासाठी कठीण राहिले. सर्वसाधारणपणे आयपीएल हा एक अद्भुत शिकण्याचा अनुभव आहे, ज्याने मला खेळाकडे वेगळ्या पद्धतीने पाहण्यास शिकवले आहे आणि मला योग्य पद्धतीने शिकण्यास आणि विकसित होण्यास सक्षम केले आहे.' राजस्थान रॉयल्सबाबत हेटमायरने म्हणाला की, 'यावर्षी आमच्याकडे असलेल्या संघाबद्दल मी खूप उत्सुक आहे. मला विश्वास आहे की, संघात यंदा विजेतेपद जिंकण्याची भरपूर क्षमता आहे. कारण संघामध्ये युवा आणि अनुभवी खेळाडूंचा चांगला समन्वय आहे. त्याचबरोबर यावेळी नवीन खेळाडूंसह चांगला सरावही झालेला आहे. त्यामुळे यंदाची आयपीएल राजस्थानचा संघ गाजवू शकतो. त्यामुळे यावर्षी आयपीएलचे जेतेपद जिंकण्याची सर्वात जास्त संधी राजस्थान रॉयल्सच्या संघाकडे असेल.' असा आहे राजस्थान रॉयल्सचा संघ - (कर्णधार), जोस बटलर (यष्टीरक्षक), यशस्वी जैस्वाल, ध्रुव जुरेल, करुण नायर, रॅसी व्हॅन डर ड्युसेन, , देवदत्त पडिक्कल, डॅरिल मिशेल, अनुनय सिंग, रियान पराग, शुभम गढवाल, रवी अश्विन, जेम्स नीशम, कुलदीप सेन, नवदीप सैनी, ट्रेंट बोल्ट, नॅथन कुल्टर-नाईल, ओबेड मॅकॉय, प्रसिद्ध कृष्णा, के.सी. करिअप्पा, तेजस बरोका, युझवेंद्र चहल, कुलदीप यादव.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/AfGRsn4
via IFTTT
